Аксубай баянчылары республика бәйгесендә иң яхшылар рәтендә

Казанда Җиңүнең 80 еллыгына багышланган «Смуглянка» башкару осталыгы буенча республика бәйгесе узды. “Аксубай районының мәдәният йорты югары әзерлек дәрәҗәсен күрсәтте,” – дип яза  “Авыл таңнары” матбугат хезмәте.

Бу бәйгедә ике йөзгә якын талантлы башкаручы үз осталыгын күрсәтте. Аларның чыгышына атказанган артист, профессор һәм күренекле музыкантлар бәя бирде.

Наилә Крайнова җитәкчелегендәге  башкаручылар югары нәтиҗәләргә иреште. Мәсәлән, Глеб Мясников  беренче дәрәҗә лауреат, «Аксубай егетләре» дуэты (Рамзан Сабиров һәм Егор Гайнатуллин), мондый чарада беренче тапкыр чыгыш ясауларына карамастан, беренче дәрәҗә лауреатлар исаменә лаек булдылар. Тимур Митрофанов икенче урын яулады.

Фото: Аксубай районы мәдәният йорты архивыннан